En era arreceben formacion especifica e especializada es membres des còssi de Pompièrs dera Generalitat e de Pompièrs de Barcelona, atau coma pompièrs volontaris dera Generalitat e pompièrs d’enterpresa.
Atau madeish s’impartís era formacion dirigida ath personau e as collectius deth camp der emparament civiu, risqui e emergéncies.
Fòrça des activitats formatives dera Escòla de Pompièrs e Emparament Civiu se realizen de manèra descentralizada, en tot apropar-les ath lòc de trabalh.
Enes darrèri ans:
- s’a amiat a tèrme un gran esfòrç entà planificar e impartir era formacion continua obligatòria qu’es pompièrs dera Generalitat an de realizar;
- s’a ordenat e agranit era formacion en proteccion civiu;
- s’a convertit definitiuament en centre formatiu des Pompièrs de Barcelona.
Tot aquerò a suposat convocar nombrosi procèssi de seleccion e incorporacion de nau personau d’ensenhament en desparières especialitats.
Ena Escòla de Pompièrs e EmparamentCiviu tanben s’organizen corsi e examens dirigidi ath personau tecnic que desire obtier o renauir era certificacion tecnica en prevencion e seguretat en cas d’incendi (nivèu basic o auançat).